Vi har kjøpt hus!

I lengre tid har drømmen vore å bygge eige hus. Og den drømmen har vi endå, men det tek litt tid før den kan gjennomførast.

Det er ingen tvil om at vi ynskjer å bo i Brandal. Huset vi bor i er 100 år gamalt. Kjempekoslig, og eit hus med sjel, som eg er veeldig glad i. Men på vinterstid er tilkomsten litt vel bratt.

Vi har, som sikkert fleire har sett på bloggen, ei fantastisk utsikt her vi bor. Og når vi er van med det, er det ikkje kjekt å skulle gi slepp på noko slikt.

Det er også grunnen til at vi ser på plassen som drømmeplassen – men så dukka det opp eit hus til sals litt lenger nede i bygda.

Eit hus frå 1996, akkurat passe stort, akkurat passe pris og akkurat passe beliggenheit.

Og så har det faktisk ganske grei utsikt også!

Ser ikkje vekk i frå at der er litt meir sol også!

Etter litt tenking fram og tilbake bestemte vi oss for at vi følte at dette var noko vi kunne like!

Og etter nokre nervepirrande timar i går, kunne vi faktisk feire at huset blir vårt. Overtakelse er først 2. mai, men vi har iallfall noko å gle oss til!

Ei ny og spennande tid går oss i møte! Det blir nok litt vemodig å flytte frå Leite, men kanskje vi med tida kjem tilbake. Uansett er det berre nokre hundremeter vi flyttar – og vi bor fortsatt i Brandal! DET er det viktigaste for meg iallfall!

Bilda er lånt frå salsannonsa på finn.no. Der er litt fleire bilder også.